चाँयाको समस्याबाट यसरी छुट्कारा पाउँनुहोस्

प्रकाशित मिति: १३ माघ २०७५, आईतवार गलेश्वर न्युज

कपालमा चाँया परेर धेरै व्यक्ति हैरान भएका छन् । अझ जाडो महिनामा त झन् बढी कपालमा चाँया पर्ने हुन्छ । हामीले धेरै उपाय अपनाउँदा पनी यो समस्याबाट राहत पाउँन गाह्रो भईरहेको हुन्छ । हाम्रो सुन्दरतामा कपालकाे पनी ठूलो भूमिका खेलेको हुन्छ तर यही कपालमा चाँया परेर हाम्रो सुन्दरतामा हानी पुर्याइ रहेको हुन्छ । केही यस्ता घरेलु उपायहरु छन् जस्ले तपाईलाई चाँयाको समस्याबाट मुक्त दिनेछ ।

– नुहाउँनु भन्दा एक घन्टा अगाडि कागतीको रसले टाउको मालिस गरेमा चायाँको समस्याबाट मुक्ति पाउन सकिन्छ ।

– कपालमा नियमित रुपले नविरलको शुद्ध तेल लगाउँने गर्नाले पनि चाँया हटाउन मद्दत गर्छ ।

– एक कप दहीमा एक कप वेसन मिलाएर कपालमा राम्ररी लगाउने र करिब दुई घन्टापछि धुने । यो प्रक्रिया केही दिन लगातार गरेमा चायाँ निको हुँदै जान्छ ।

– अमला र रिट्ठा मिसाएर कपालको जरासम्म लगाउने र यसको दुई घन्टापछि सफा पानीले धुने गरेमा पनि चायाँ हट्छ ।

– अन्य ब्यक्तिले प्रयोग गरेका ब्रस, तकिया, काईंयो सकेसम्म प्रयोग नगर्ने ।

– धूलो, धूँवा र अत्याधिक घाममा हिँड्दा टाउको छोपेर हिड्ने गर्नु पर्दछ । जसले गर्दा टाउकोमा फोहर जम्मा हुन पाउँदैन र चाँया पर्ने सम्भावना कम हुन्छ ।

– अण्डा फुटाएर कपालमा राम्रोसँग लगाउने र एक घण्टा पछि त्यसलाई पखाल्ने गर्नाले चाँयाबाट मुक्ति पाउँन सकिन्छ । यसमा हल्का सेम्पु प्रयोग गर्न सकिन्छ ।