पक्षघातले ग्रसित बृद्धको घरमा पुगेर जन्मदिन

प्रकाशित मिति: १२ असार २०७९, आईतवार गलेश्वर न्युज

गलेश्वर न्युज, जन्मदिनमा महंगो खर्च गरेर मनाउने संस्कार सहर देखी गाउँसम्म बढ्दै गएको छ । धर्तीमा पाइला टेकेको दिनलाई भोजभतेर गरेर उत्सवको रुपमा मनाउनेहरुको बिचमा आइतबार विहानै बालबालिकाकी अभियान्ता सुनिता बेलबासेले अभावै अभावमा रहेका एक विपन्नको घरमा पुगेर जन्मदिन मनाउनुभएको छ ।

म्याग्दीको बेनी नगरपालिका–१,रत्नेचौर नालिङ्गबारीमा अर्काको जग्गामा छाप्रो बनाएर बस्नुभएका २३ बर्षदेखि पक्षघात९प्यारालाइसिस०ले ग्रसित७४ बर्षिय लालबहादुर किसानलाई खाद्यान्न,लत्ताकपडा लगायतका अन्य सहयोग गर्नुभएको छ। म्याग्दी जेसीजको प्रस्तावित सदस्य समेत रहनुभएकी बेलबासले म्याग्दी जेसीजका अध्यक्ष सन्दिप खत्री, उपाध्यक्ष विनोद क्षत्री, शाखा सम्पादक दिनेशकुमार विश्वकर्माको उपस्थिति रहेको थियो ।

कार्यक्रममा सहयोगदाता बेलबासेले जन्मदिनमा अनावश्यक खर्चभन्दा मानवीय सेवामा सहयोग गर्ने आफ्नो चाहना पूरा भएको बताउनुभयो । बेनीअनलाइनले आर्थिक अभावका कारण उपचारबाट बन्चित भएका लालबहादुरको कम्मरमुनिको भाग राम्रोसँग नचल्ने सहित अवस्थाका बारेमा समाचार प्रकाशित गरेपछि म्याग्दीको अन्नपूर्ण गाउँपालिका–४, नारच्याङ घर भई हाल दक्षिण कोरियामा रहनुभएका याम पूर्जा पुनले समेत १० हजारको खाद्यान्न र नगद सहयोग गर्नुभएको थियो ।